Bioritmi është një cikël hipotetik që ndikon në aspekte të ndryshme të jetës njerëzore. Çdo aspekt (fizik, emocional, intelektual) ka periudha kohëzgjatje të ndryshme (23, 28, 33 ditë përkatësisht), dhe të gjitha këto periudha fillojnë nga koha e lindjes.

Sipas teorisë së bioritmit, ekzistojnë tre cikle, cikli emocional, fizik dhe intelektual. Prej momentit tonë të lindjes çdo cikël fillon nga pozicioni i tij "0" dhe vazhdon të rritet në drejtim pozitiv, gjatë së cilës rriten energjia dhe aftësitë psiko-emocionale. Pas arritjes së maksimumit të tij, çdo cikël gradualisht përsëri bie, duke arritur sërish pozicionin zero në mesin e periudhës së tij. Pjesa e mbetur e çdo cikli paraqet pjesën negative, gjatë së cilës zvogëlohen energjia dhe aftësitë tona psiko-emocionale.

Bioritmi dhe 3 ciklet

Gjatë ditëve pozitive të ciklit intelektual mund të bëjmë diçka fenomenale, ndërsa gjatë ditëve negative të ciklit mund të bëjmë gabim logjike që mund të jetë fatale! Mund të fitojmë në lotari, ose të bëjmë qindra gabime në vazhdueshmëri gjatë ditëve kritike - fizike.

• Cikli fizik – zgjat 23 ditë dhe ndikon në faktorët fizik, si p.sh. kushtëzime, forca, qëndrueshmëria, imuniteti.
• Cikli emocional – zgjat 28 ditë dhe ndikon në gjendjen emocionale: ndjenja e dashurisë, mërzisë, optimizmi, pesimizmi, pasioni, depresioni, zhgënjimi.
• Cikli intelektual – zgjat 33 ditë dhe ndikon në kujtesën tonë, shkathtësinë e të menduarit, shpejtësinë e të mësuarit, aftësinë e të gjykuarit, saktësinë e përllogaritjes.

Koha më pak e qëndrueshme është koha e quajtur "ditët kritike" në secilin cikël, kur cikli kalon pikën zero, duke e rënë prej boshtit pozitiv në atë negativ, apo gjatë procesit të kundërt. Gjatë gjithë këtyre ditëve kritike, aftësitë tona ndryshojnë progresivisht, nga ekstremi më i lartë në atë të ultin.

Bioritmi dhe Përputhshmëria

Bioritmi dhe përputhshmëria është i mbështetur në idenë që nëse ciklet e dy personave përputhen ata do të krijojnë një lidhje shumë të qëndrueshme dhe të fortë. Për shembull, nëse ciklet e tyre emocionale përputhen, kjo do ta bënte komunikimin dhe ndjeshmërinë më të sukseshme. Gjithashtu, nëse cikli i tyre intelektual është i sinkronizuar, atëherë kjo do të ndikonte pozitivisht në çështje që i përkasin vendimeve në lidhje.