A i besoni realitetit se ju jeni ai që mbani çelësin e fatit tuaj për të ardhmen, madje, se parashikimi i këtij fati gjendet në portofolin tuaj? Sigurisht se Jo! Përmes kësaj metode të prezantuar më poshtë, do të vëreni se sa të pakufizuara janë mundësitë e aplikimit të monedhave për parashikimin e fatit tuaj.

Sipas sistemit të numerologjisë, ju mund të parashikoni apo mësoni ngjarjet që ju presin në të ardhmen dhe tendencat e tjera në lëvizje, përmes një kartmonedhe, duke bërë pyetjen e duhur, në momentin e duhur dhe me aplikimin e metodës së përcaktuar të sistemit numerologjik.

Ndoshta nuk e keni ditur por secila monedhë sikurse edhe zotëruesi i saj - është e veçantë dhe asgjë nuk ndodh rastësisht në realitetin tonë të përditshëm. Për çdo gjë, përherë ka ndonjë arsye.

Edhe zotërimi i një monedhe në xhep apo portofol nuk është pa ndonjë domethënie. Pse pikërisht ajo monedhë me atë numër serial ndodhej në zotërimin tuaj, nuk është aspak një rastësi. Duke u mbështetur në këtë parim, edhe në metodologjinë që do të prezentojmë më poshtë, ju mund të gjeni përgjigje ndaj pyetjeve tuaja të hamendshme për shumë çështje praktike nga jeta e përditshme.

Hapi i parë: Ju nevojitet një kartmonedhë

Për prakticizmin e metodës në vazhdim ne, zakonisht, preferojmë të përdorim kartë-monedha në euro. Megjithatë, ju mund të përdorni edhe lekë, franga, marka, dollarë, funte, apo pesetë... pasi për Orakullin kjo përzgjedhje nuk luan ndonjë rol - por e rëndësishme është që monedha e përzgjedhur të ketë një numër serial, respektivisht një radhë e shifruar, që dallon nga kartëmonedhat e tjera. Monedha nuk duhet marrë nga bankomati, por, nëse është e mundur të jetë e zhubravitur, të ketë kaluar nëpër shumë duar, deri sa të ketë rënë në duart e tua, qoftë si para e shkëmbyer apo si dhuratë.

Hapi i dytë: Lexoni numrin serial.

Merreni një kartmonedhë letre pa e përzgjedhur nga portofoli juaj. Shtrijeni bankënotën e zgjedhur para jush. Lexojeni numrin serial të saj.

Hapi i tretë: Shtroni pyetjen tuaj

Këtu po ju sjell një shembull: Le të themi se ju doni të dini, se a është e nevojshme të takoheni me një mikun tuaj? Në këto raste, pyetja e parashtruar duhet të jetë e thjeshtë, konkrete, spontane dhe e sinqertë. Ajo duhet të shprehë shqetësimet tuaj momentale. Të supozojmë se ju keni përzgjedhur nga grumbulli i monedhave një monedhë e cila është letër me numër serial. Më pas, ju duhet të bëni pyetjen, ta zëmë: A është e nevojshme të takohem me mikun tim Sokolin?

Hapi i katërt: Bëni një llogaritje të vogël me hamëndje

Për shëmbull: Numri serial në monedhën tuaj është 943386434
Formoni shumën e tërthortë të të gjithë numrave nga a majta në të dhjathtë: = 44
Nëse shuma rezulton të jetë një numër dyshifror, llogarisim shumën e dy numrave edhe një herë: 4+4 = 8

Vini re: Ju duhet te llogarisni shumën e tërthortë për të dytën herë vetëm atëherë kur shuma e parë e kalon vlerën e numrit bazë 9 (10, 11, 12, 13 ...)

Hapi i pestë: Përgjigjet e Monedhës-Orakull

• Nëse shuma e tërthortë është një numër ÇIFT (2,4,6,8) - d.m.th. "PO";
• Nëse shuma e tërthortë është numri TEK (1,3,5,7,9) - d.m.th. "JO".
• Në shembullin tonë shuma e tërthortë është 8! Atëherë, përgjigja do të ishte: "Po, ju duhet të takoheni me mikun tuaj".

Hapi i gjashtë: Kuptimi i zgjeruar dhe më i detajuar i përgjigjes.

Nëse dëshironi që përgjigjia juaj të jetë më e detajuar, atëherë shikoni shabllonin e përgjithësuar të tabelës së kuptimeve. Aty do të gjeni shpjegimin plotësues, që ndërlidhet me pyetjen tuaj. Nëse ajo nuk është konkrete me pyetjen e bërë, atëherë, përafërsisht ndërlidheni me logjikën e prezantuar në tabelë.

Tabela e kuptimeve të zgjeruara

• Fillimi i mbarë;
• T'i sjellë së bashku të kundërtat;
• Të vazhdojë edhe ca me peshimin e gjërave;
• Të ketë kujdes në veprimet ditore;
• Paraprakisht përgatituni mirë;
• Nga e mira do të bëhet diçka edhe më e mirë;
• Fat përmes çlirimit (përfitimit në kohë);
• Tendencë për përmbyllje të plotë;
• Çojeni punën deri në fund;

Nëse i rikthehemi shembullit tonë të mësipërm, dhe manipulojmë shumën e përfituar 8, pëgjigja e detajuar e Orakullit do të ishte: "Do të keni sukses që në atë takim t'i realizoni qëllimet tuaja!"

Nëse do të kishit marrë si përgjigje një numër tek, p.sh. nr. 7, përgjigja do të ishte: "Jo - mos u takoni me mikun tuaj". Po ashtu, nëse e kombinojmë përgjigjen me tabelën e kuptimet të zgjeruara ... "Fati përmes çlirimit", atëherë kjo formulë e Orakullit do të kishte këtë kuptim. "Do të ishte më mirë, që përpara se të takoheshit, dhe përpara ndërrmarrjes së ndonjë vendimi të rëndësishëm, ti jepnit vetes pak më shumë kohë për tu menduar".